Chin ke vaigyanik chijo ko adrisya karne ki taknik viksit karne par kam kar rahe hai. 
Khabron ke anusar chin is taknik ka sainya istemal kar sakta hai.
Hankkang ke akhbar sauth chaina morning post ki ek riport ke mutabik chin ki sarkar ne aese shodh samuha ko arthik madad uplabdh karai hai jo chijon ko aankho ya ilektronik sensaron ke liye adrisya bna dene ki taknik par kam kar rahe hai.
Is taknik ka istemal stilth viman ke vikash men kiya ja sakta hai halanki vaigyaniko ka manana hai ki is taknik ko viksit hone men abhi dashkon lag sakten hai kyonki philhal inmen istemal ho sakne vale supar tatva uplabdh nahi hai.
Akhbar ke mutabik pichle hapte jhejiyang yunivarsity ne ek vidio jari kiya tha jismen yunivarsity dvara viksit aese glas painal dikhaye gaye the jinmen kuch machliyan aur billiyan adrisya ho gaya thi.
Hairi potar film men dikhai gaye jadui labade jaesi chij banane ki ummid hone ke bavajud shuruvat men is shodh ke up-utpad viksit kiye jayenge.
Sauth chaina morning post ke mutabik jhejiyang yunivarsity dvara viksit kiya ja raha ek upkaran hathiyaron aur sainikon ko infra red sensaron ke liye adrisya bna dega.
Adrisyata par shodh karne vala chin akela desh nahi hai.
Pichle mahine hi amerika ke bhaotik shastriyon ne kaha tha ki ve aese behad sukshma ilektronik system ki janch kar rahen hai jiska vikash sabhi kono se dekhne par kisi chij ko adrisya banane ke liye kiya ja sakta hai!!!!!!
Gayab Karne Ki Taknik Viksit Kar Raha Hai Chin
No comments:
Post a Comment